فرحت برجوعك وماطلبت لخاطرك اعذار

دليــل المحبــه " شــوف عينــي عليـك تغـار
ولاودي الحــاسـد عيـــونـك يطــالعـهـــا

مع إنك رحلـت بعيد .. لكـن بقـى التذكـــار
ليـا شافتـــه عينـي تســابـق مدامــعـهـا

دفنت الغرام بخافقي .. والقلـوب أسـرار
مشاعـــر هقيـت إن الليـــالـي تضيعـهـا

فرحت برجــوعك .. ماطلبت لخطاك اعذار
ونفسي نســت ماجرى مـن ( تواضعهـا)

تهادت مشــاعرخاطــري لـك بـلا معيـار
تجاهلـــتها .. لـو كنـت خابـــر دوافعهـــا

يقولــوون جنّب درب مالـك معـه معبـار
يلومون نفــسٍ بعــــد الاحبـاب موجعهـا

يقولـــونهـا قبلـي (يخـون البحـر بحّـار)
والآمــواج لاهاجت خـذت ماتبـي معهـا

تكاثـــرت منــك الصد .. وأثرالعلـوم كبـار
لقيتك علـى نفسـي تقلّـب مواجعهـا

اقوله وأنا اللي شفـت ذاك الغـلا ينهـار
يشوف النــــدم رجّـال نفسـه يطاوعهـا

مثل ماضرب جّـــــوٍ خـلا غـاي محتـار
يدّوج .. ورجله مــــادرى ويـن موقعهـا

تعرض سموم القيض .. والـدار مامـن دار
هليك .. وشعر بالمــووووت روحـه ينازعهـا

جحدت الغلا لين امتلا بالخفــوووق .. وثـار
قصايد عســاها اليـوم تطـرق مســامعهـا

غرامك مثل نــااارٍ حطبها الغـلا .. والنـار
تموت .. وغـــلاااك اللـي بقلبـي يولعهـا

غلاك بضميري وااضـــحٍ .. ماعليـه غبـار
تشيل الغلا نفسـي .. وأنا عاجـز امنعهـا

يقولون: ماودعّك؟؟ .. قلت: الفراق وصار
والإنسان روووحـــه تنسلـب مايودعهـا !

هذيك الليالي ويــن ؟؟ .. أثرالزمن دوار !!
خذاهـا .. ولاظنـي زمـــاااانـي يرجّعـهـا

طوتها السنين .. ولابقــالي سـوى التذكـار
ليـا شـــافتـه عينـي تســـابـق مدامعـهـا