اتركيني ما بقى لي في الاماني اي غايه

/

انزرع فيني غرامٍ ما عرفت له اي نهايه
ما لقيت انسان يستاهل غرامٍ ثار فيني

كل ما جيتك بشوقي اصبح بنفس البدايه
لعنبوه العشق طاغي بعثر ايامي وسنيني

الحكايه يابشر وشهي اساسا هالحكايه
قصةٍ تتعب هجوسي يوم تكتبها يديني

تهتويني هالحكايه بلا كتابه او قرايه
وانا ما ودي بصراحه هالحكايه تهتويني

يابعد كل المشاعر من غرامك صرت تايه
وانت غافل عن عشِق قلبٍ تعذب ما يبيني

كل آماله يجيلك يرتفع في الجو رايه
يحترق دونك ويصرخ ياعذابي ساعديني

اعتبر شوفَتك فرصه يوم انا شوفك معايه
وانتي اصلا ما دريتي بالغرام اللي يجيني

كل ما اشتقتلك تسابق ضحكتي مدري بكايه
المهم اني اعاني ودمعتي تغرق بعيني

يابعد كل القصايد الحسن له فيك ايه
يوم اشوفك تكتبين الحرف كنك تقصديني

واسرح بفكري وخيالي واعتبر عشقي جنايه
واعتبر سجني مؤبد لو بغيتي تسجنيني

واعتبر حبي يتيم ولا حصل حق الوصايه
ما لقا له شخص عارف لو نطقت بكلمتيني

اتركيني ما بقى لي في الاماني اي غايه
ما بقى لي في الاماني اي غايه اتركيني

حتى شعري قمت الخبط فيه من بعد الدرايه
وانا حسب حروف شعري توصلك ثم اتحكيني

باعترف لك ياغرامي باعترف لك في خطايه
اني اصلا ما نطقت بشي يثبت شوق عيني

بس ببقى في عذابي مـ البدايه للنهايه
وانتي اول ما تعرفي اني احبك راسليني

واسأليني ليش ما علمتني بكل الحكايه
واقبلي مني الاجابه بعد منتي تسأليني

الاجابه خايف اتعِب خافقك وانتي معايه
وانا مارضى لك تعب وانتي معي يانور عيني

(ولو بغيتي الصدق . شوفي ياغرامي من النهايه
خايف القا في خفوقك حب ثاني . وما تبيني)

بس انا ببقى احبك واكسر اطراف المرايه
لجل اكون بجد وحدي...حتى زولي ما يجيني

دمتم بنقائكم
/
أبو اليث